შინაგან საქმეთა სამინისტროს საგანგებო სიტუაციების მართვის სამსახური

10 წლის იყო, როდესაც მის სახლში ხანძარი გაჩნდა, რომ არა დედა, ბინის კარს ვერ გააღებდა და შემთხვევა ფატალურად დასრულდებოდა. მას შემდეგ მიხვდა, რომ მეხანძრე-მაშველი უნდა გამხდარიყო და დახმარებოდა ადამიანებს, რომლებიც მსგავს სიტუაციებში თავის გადარჩენას ცდილობენ.

18 წლის იყო, როდესაც მეხანძრე-მაშველად მუშაობა დაიწყო. მას შემდეგ თითქმის 9 წელია ცხოვრების მთავარ მიზნად ადამიანების დახმარება აქცია.

"ჩემთვის ეს არ ყოფილა მხოლოდ პროფესიული არჩევანი, 10 წლიდან ვიცოდი, რომ მეხანძრე-მაშველი გავხდებოდი.

​ერთხელ, ხანძრის ჩაქრობის დროს, სახურავიდან ჩავვარდი და ხელი დავიზიანე. ნაიარევი ხელზე ახლაც მაქვს, თუმცა მას ტკივილი არ მოუტანია, იარა ჩემი ნაწილია, რომელიც სიამაყის გრძნობას მიჩენს".