საგანგებო სიტუაციების მართვის სამსახურმა იტალიურ კომპანია "GRISPORT"-თან გააფორმა ხელშეკრულება, რომლის მიხედვითაც, სამსახური კომპანიისგან მეხანძრე-მაშველებისთვის 4000 წყვილ სპეციალურ ფეხსაცმელს შეიძენს.
ხელშეკრულებას ხელი საქართველოს საგანგებო სიტუაციების მართვის სამსახურის უფროსის მოადგილემ, ალექსანდრე ონოფრიშვილმა და GRISPORT S.P.A.-ს წარმომადგენელმა ლუჩიანო ზილიოტომ მოაწერეს.
აღნიშნული ფეხსაცმელი სრულად პასუხობს თანამედროვე სტანდარტებს.
მეხანძრე-მაშველების სპეცფეხსაცმლის შეძენისთვის 677 600 ლარი გამოიყო.