შინაგან საქმეთა სამინისტროს საგანგებო სიტუაციების მართვის სამსახურის კოორდინაციით, ნატო-საქართველოს პროფესიული განვითარების პროგრამისა (NATO-GEORGIA PDP) და გაეროს კატასტროფის რისკის შემცირების ევროპისა და ცენტრალური აზიის რეგიონული ოფისის (UNDRR ROECA) ექსპერტული და ფინანსური მხარდაჭერით, კატასტროფის რისკის შემცირების საკითხებზე უწყებათაშორისი სემინარი გაიმართა.
სემინარის მიზანი იყო კატასტროფის რისკის შემცირების სფეროში პასუხისმგებელი სახელმწიფო უწყებების შესაძლებლობების გაძლიერება, ასევე მონაწილეებისთვის არსებული გლობალური ჩარჩო-დოკუმენტების, საერთაშორისო სტანდარტების, თანამედროვე მიდგომებისა და საუკეთესო პრაქტიკის გაცნობა.
მასში მონაწილეობა სხვადასხვა სახელმწიფო უწყების წარმომადგენლებმა მიიღეს. დასასრულს მონაწილეებს შესაბამისი სერტიფიკატები გადაეცათ.
