საიტი მუშაობს სატესტო რეჯიმში საიტი მუშაობს სატესტო რეჯიმში საიტი მუშაობს სატესტო რეჯიმში

მაშველებმა დუშეთში კლდიდან ტრაქტორის გადავარდნის შედეგად დაშავებული მოქალაქე თბილისში გადმოიყვანეს

შინაგან საქმეთა სამინისტროს გადაუდებელი დახმარების ოპერატიული მართვის ცენტრ „112“-ში შემოვიდა ინფორმაცია, რომ დუშეთის რაიონში, ბარისახოს თემში კლდიდან ტრაქტორი გადავარდა და მძღოლს ესაჭიროებოდა მაშველების დახმარება.

შეტყობინების მიღებისთანავე, ადგილზე დაუყონებლივ გავიდნენ საგანგებო სიტუაციების მართვის სამსახურის მაშველები. რთული რელიეფის და დაშავებულის ჯანმრთელობის მდგომარეობის გათვალისწინებით, შინაგან საქმეთა სამინისტროს საგანგებო სიტუაციების მართვის სამსახურმა სამაშველო ოპერაციაში ვერტმფრენის ჩართვის გადაწყვეტილება მიიღო.

დუშეთის მიმართულებით დასახმარებლად სასაზღვრო პოლიციის ვერტმფრენის საშუალებით გავიდა საგანგებო სიტუაციების მართვის სამსახურის განსაკუთრებულ სიტუაციებზე სწრაფი რეაგირების სამაშველო ჯგუფი.

მაშველებმა დაშავებული მოქალაქე თბილისში, ღუდუშაურის კლინიკაში გადაიყვანეს, სადაც მას შესაბამის სამედიცინო დახმარებას უწევენ.

სამაშველო ოპერაციაში ჩართული იყო შინაგან საქმეთა სამინისტროს საგანგებო სიტუაციების მართვის სამსახურის განსაკუთრებულ სიტუაციებზე სწრაფი რეაგირების სამაშველო ჯგუფი და სასაზღვრო პოლიციის ვერტმფრენი. ასევე, ადგილზე მობილიზებული იყო ყველა შესაბამისი სამსახური.