საიტი მუშაობს სატესტო რეჯიმში საიტი მუშაობს სატესტო რეჯიმში საიტი მუშაობს სატესტო რეჯიმში

საგანგებო სიტუაციების მართვის სამსახურმა საზღვაო ტრანსპორტის სააგენტოსთან თანამშრომლობის მემორანდუმი გააფორმა

შინაგან საქმეთა სამინისტროს საგანგებო სიტუაციების მართვის სამსახურსა და საქართველოს ეკონომიკისა და მდგრადი განვითარების სამინისტროს სსიპ - საზღვაო ტრანსპორტის სააგენტოს შორის ურთიერთთანამშრომლობის მემორანდუმი გაფორმდა. მემორანდუმს ხელი საგანგებო სიტუაციების მართვის სამსახურის უფროსმა თემურ მღებრიშვილმა და საზღვაო ტრანსპორტის სააგენტოს დირექტორმა თამარ იოსელიანმა მოაწერეს.

ურთიერთთანამშრომლობის ფარგლებში, საჭიროების შემთხვევაში, საზღვაო ტრანსპორტის სააგენტო და საგანგებო სიტუაციების მართვის სამსახური ერთობლივად მიიღებენ მონაწილეობას მცურავი საშუალებებითა და საავარიო-სამაშველო აღჭურვილობით საძიებო-სამაშველო ოპერაციებში. სამსახურის წყალზე სამაშველო სამმართველოს აქტიური თანამშრომლობა ექნება სააგენტოს საზღვაო სამაშველო-საკოორდინაციო ცენტრთან. მიმდინარე წლის განმავლობაში, იგეგმება ერთობილივი სწავლებები და წვრთნები, სააგენტოსა და სამსახურის თანამშრომლების მონაწილეობით. მემორანდუმი კიდევ უფრო გააღრმავებს უწყებებს შორის უკვე არსებულ თანამშრომლობას.

საზღვაო ტრანსპორტის სააგენტოს და საგანგებო სიტუაციების მართვის სამსახურს შორის კოორდინირებული მუშაობა ხელს შეუწყობს საგანგებო სიტუაციებისთვის მზადყოფნას და მათზე დროულად, ეფექტურად რეაგირებას.