შინაგან საქმეთა სამინისტრო აქტიურად განაგრძობს კამპანიას „პროფესია პოლიციელი“, რომელიც მიზნად ისახავს სკოლის მოსწავლეებისთვის საპოლიციო საქმიანობისა შესახებ ინფორმაციის მიწოდებას.
კამპანიის ფარგლებში, ონის სახანძრო-სამაშველო განყოფილების თანამშრომლებმა საჯარო სკოლების მოსწავლეებს უმასპინძლეს.
ვიზიტის დროს მოზარდებმა დეტალური ინფორმაცია მიიღეს სამსახურის სტრუქტურის, ძირითადი საქმიანობის, სხვადასხვა ფუნქციური მიმართულებისა და ქვეყნის უსაფრთხოების სისტემაში, სამსახურის სტრატეგიული როლის შესახებ.
მეხანძრე-მაშველებმა მოსწავლეებს გააცნეს რეაგირების მექანიზმები სხვადასხვა ტიპის საგანგებო სიტუაციებზე, მიაწოდეს პრაქტიკული ცოდნა უსაფრთხოების საკითხებში და ამომწურავად უპასუხეს მათ შეკითხვებს.
მოზარდებისთვის ადგილზე დამონტაჟდა საცოცი კედელი, ასევე, მოეწყო სპეციალური სახანძრო-სამაშველო ტექნიკისა და აღჭურვილობის გამოფენა.
ვიზიტის დასასრულს, მოსწავლეებს სპეციალური სამახსოვრო საჩუქრები გადაეცათ.
