კამპანიის ფარგლებში, შინაგან საქმეთა სამინისტროს საგანგებო სიტუაციების მართვის სამსახურის რაჭა-ლეჩხუმისა და ქვემო სვანეთის საგანგებო სიტუაციების მართვის მთავარი სამმართველოს ონის სახანძრო-სამაშველო განყოფილებამ, ონის, უწერისა და ღაბის საჯარო სკოლების მოსწავლეებს უმასპინძლა.
მოზარდებს საგანგებო სიტუაციების მართვის სამსახურის სტრუქტურის, ძირითადი საქმიანობის, ფუნქციური მიმართულებებისა და ქვეყნის უსაფრთხოების სისტემაში უწყების სტრატეგიული მნიშვნელობის შესახებ ინფორმაცია მიეწოდათ. ონის სახანძრო-სამაშველო განყოფილების წარმომადგენლები, სკოლის მოსწავლეებს, ასევე, სხვადასხვა ტიპის საგანგებო სიტუაციაზე რეაგირების მექანიზმების შესახებაც ესაუბრნენ.
შეხვედრის დასასრულს მოსწავლეებმა სახანძრო-სამაშველო ტექნიკისა და სპეციალური აღჭურვილობის გამოფენა დაათვალიერეს, რომელიც მათთვის იყო მოწყობილი.
