შინაგან საქმეთა სამინისტროს საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს ბაზას საქართველოს ეროვნული თავდაცვის აკადემიის უმცროს ოფიცერთა მომზადების სკოლის საკანდიდატო კურსის 40 მსმენელი ესტუმრა.
ვიზიტი მიზნად ისახავდა მომავალ ოფიცერთა, საგანგებო სიტუაციებზე რეაგირების მექანიზმების გაცნობას და უწყებათაშორისი თანამშრომლობის მნიშვნელობის ხაზგასმას.
ღონისძიების ფარგლებში, აკადემიის მსმენელები დეტალურად გაეცნენ საგანგებო სიტუაციების მართვის სამსახურის სტრუქტურას, ფუნქციებსა და ქვეყნის უსაფრთხოების სისტემაში სამსახურის როლს.
სტუმრებისთვის ჩატარდა საჩვენებელი სიმულაციური მოქმედებები, რომელიც მოიცავდა ურბანულ ხანძრებზე რეაგირებას, ქიმიურ, ბიოლოგიურ, რადიაციულ და ბირთვულ (ქბრბ) ინციდენტებზე მოქმედებებს, დაშავებულის ევაკუაციასა და სხვადასხვა სახის სამაშველო ოპერაციებს.
ღონისძიების ფარგლებში, მსმენელებმა სახანძრო-სამაშველო სპეციალური ტექნიკისა და აღჭურვილობის გამოფენაც დაათვალიერეს, რომელიც სპეციალურად აღნიშნული ვიზიტისთვის იყო მოწყობილი.
